Crime | परीक्षा घोटाळा आंदोलनात गोंधळ; भाकप नेत्या ॲनी राजा यांच्यावर हल्ल्याचा आरोप, भाकपची आरएसएसवर टीका

नवी दिल्ली | ६.६ | रयत समाचार

(Crime) परीक्षा घोटाळे, पेपरफुटी आणि भरती प्रक्रियेतील अनियमिततांविरोधात सुरू असलेल्या आंदोलनादरम्यान जंतरमंतर येथे भारतीय कम्युनिस पक्षाच्या (CPI) राष्ट्रीय सचिव ॲनी राजा, भारतीय महिला फेडरेशनच्या (NFIW) सरचिटणीस निशा सिद्धू आणि ऑल इंडिया युथ आणि स्टुडंटस् फेडरेशनच्या (AIYF-AISF) कार्यकर्त्यांवर हल्ला झाल्याचा आरोप भारतीय कम्युनिस्ट पक्षाने केला आहे. या घटनेबाबत भाकपने आरएसएस कार्यकर्त्यांवर गंभीर आरोप करत तीव्र निषेध नोंदविला.

(Crime) भाकपच्या निवेदनानुसार, परीक्षा घोटाळे आणि भरती प्रक्रियेतील कथित भ्रष्टाचाराविरोधात आवाज उठवणाऱ्यांच्या समर्थनार्थ आयोजित आंदोलनात सहभागी झालेल्या ॲनी राजा आणि इतर कार्यकर्त्यांवर निदर्शकांच्या गर्दीत घुसून हल्ला करण्यात आला. या घटनेला भाकपने लोकशाही हक्कांवर थेट आघात असल्याचे म्हटले आहे.

(Crime) CPI, AIYF, AISF आणि NFIW या संघटनांनी सातत्याने पारदर्शक, न्याय्य आणि भ्रष्टाचारमुक्त परीक्षा व भरती व्यवस्था उभारण्याची मागणी केली असल्याचे पक्षाने स्पष्ट केले. विद्यार्थ्यांच्या प्रश्नांकडे दुर्लक्ष करून दोषींना संरक्षण दिले जात असल्याचा आरोपही करण्यात आला.

या पार्श्वभूमीवर केंद्रीय शिक्षणमंत्री धर्मेंद्र प्रधान यांच्या राजीनाम्याची मागणी करत भाकपने देशभर निषेध आंदोलन उभारण्याचे आवाहन केले आहे.

दरम्यान, या घटनेबाबत संबंधित पक्षांकडून अधिकृत प्रतिक्रिया येणे अद्याप बाकी असून, हल्ल्याच्या आरोपांबाबत स्वतंत्र पुष्टी अद्याप झालेली नाही.

Public issue | तासन्‌तास वीज गेली? ग्राहक नुकसान भरपाई मागू शकतो; महावितरणचे नियम काय सांगतात?