अहमदनगर |२७.१ | रयत समाचार
(Sports) येथील नामांकित रेसिडेन्शियल ज्युनियर कॉलेजचा विद्यार्थी आदित्य अशोक साठे याने क्रीडा क्षेत्रात उल्लेखनीय यश संपादन करत कॉलेजच्या नावाला उज्ज्वल प्रतिष्ठा मिळवून दिली. आंतरमहाविद्यालयीन लांब उडी (Long Jump) स्पर्धेत आदित्यने उत्कृष्ट कामगिरी करत प्रथम क्रमांक पटकावला.
(Sports) या दैदिप्यमान यशाबद्दल कॉलेज प्रशासनाच्या वतीने आदित्यचा विशेष सत्कार करण्यात आला. उपप्राचार्य दादासाहेब वांढेकर यांच्या हस्ते त्याला ट्रॉफी व प्रशस्तीपत्र देऊन गौरविण्यात आले. यावेळी बोलताना उपप्राचार्य वांढेकर यांनी आदित्यच्या जिद्द, सातत्य आणि मेहनतीचे मनापासून कौतुक केले तसेच भविष्यातील क्रीडा कारकिर्दीसाठी त्याला शुभेच्छा दिल्या.
(Sports) आदित्यच्या या यशामुळे कॉलेज परिसरात आनंदाचे वातावरण असून, शिक्षकवृंद, क्रीडा मार्गदर्शक आणि विद्यार्थी मित्रांकडून त्याच्यावर अभिनंदनाचा वर्षाव होत आहे. त्याच्या या यशाने रेसिडेन्शियल ज्युनियर कॉलेजच्या शिरपेचात मानाचा तुरा रोवला गेला आहे, अशी भावना व्यक्त केली जात आहे.
Discover more from Rayat Samachar
Subscribe to get the latest posts sent to your email.
