Social | शब्दांशी नातं जपणाऱ्या सुषमा जाधव-अमर यांना अभिवादनासाठी 19 मे रोजी सभा

अहमदनगर | १८.५ | रयत समाचार

(Social) अहिल्यानगर आकाशवाणीच्या निवृत्त उद्गोषिका तसेच दैनिक लोकमतच्या माजी उपसंपादीका ॲड. सुषमा जाधव-अमर यांचे ता. ६ मे रोजी अल्पश: आजाराने आकस्मिक निधन झाले. प्रतिकूल परिस्थितीवर मात करत त्यांनी पत्रकारिता, निवेदन आणि सामाजिक क्षेत्रात असीम धैर्य व जिद्दीचा आदर्श निर्माण केला होता. त्यांच्या कार्याला आणि स्मृतींना अभिवादन करण्यासाठी विशेष सभेचे आयोजन करण्यात आले आहे.

(Social) अभिवादन सभा मंगळवारी ता.१९ मे २०२६ रोजी सायंकाळी ५ वाजता ग्रामीण विकास अभ्यास केंद्र (सीएसआरडी-आयएसडब्ल्यूआर), स्टेशन रोड, अहमदनगर महाविद्यालयासमोर, अहिल्यानगर येथे होणार आहे. सभेत सुषमा जाधव-अमर यांच्या सहकाऱ्यांसह विविध क्षेत्रातील मान्यवर त्यांच्या आठवणींना उजाळा देणार आहेत.

(Social) यावेळी नागरिक, पत्रकार, साहित्यप्रेमी व स्नेहींनी मोठ्या संख्येने उपस्थित राहावे, असे आवाहन आयोजकांच्या वतीने करण्यात आले आहे. कार्यक्रमाचे आयोजन जे.सी.पी.आर. माजी विद्यार्थी संघ, कॉम्रेड भास्कर जाधव स्मृती प्रतिष्ठान, ग्रामीण विकास अभ्यास केंद्र तसेच जाधव, बंडेलू व अमर परिवार यांच्या संयुक्त विद्यमाने करण्यात आले आहे.