मुंबई (पीटीआय) | २४.४ | रयत समाचार
(India news) देशातील डिजिटल पेमेंट क्षेत्रात मोठी उलथापालथ घडवणाऱ्या निर्णयात Reserve Bank of India (RBI) ने Paytm Payments Bank चा बँकिंग परवाना रद्द केल्याची माहिती समोर आली आहे.
(India news) आरबीआयने दिलेल्या माहितीनुसार, बँकेच्या कार्यपद्धतीत सातत्याने आढळलेल्या नियमभंग, केवायसी प्रक्रियेतील त्रुटी आणि आर्थिक शिस्तीचे उल्लंघन या गंभीर बाबींचा विचार करून हा कठोर निर्णय घेण्यात आला. यापूर्वीही आरबीआयने Paytm Payments Bank वर विविध निर्बंध लादले होते.
(India news) या निर्णयामुळे Paytm Payments Bank चे ग्राहक नवीन ठेवी स्वीकारणे, खाते उघडणे यांसारख्या सेवांपासून वंचित राहतील. मात्र, विद्यमान ग्राहकांना त्यांच्या खात्यातील रक्कम काढण्याची मुभा देण्यात येणार आहे. RBI ने ग्राहकांना घाबरून जाण्याचे कारण नसल्याचे स्पष्ट केले आहे.
Paytm Payments Bank हा देशातील सर्वात मोठ्या पेमेंट बँकांपैकी एक होता. या कारवाईमुळे डिजिटल पेमेंट इकोसिस्टममध्ये मोठा बदल होण्याची शक्यता आहे. तसेच इतर फिनटेक कंपन्यांवरही नियामक बंधनांचे दडपण वाढण्याची शक्यता व्यक्त केली जात आहे.
RBI ने स्पष्ट केले की, ग्राहकांच्या हिताचे संरक्षण आणि बँकिंग व्यवस्थेतील पारदर्शकता राखण्यासाठी हा निर्णय आवश्यक होता. नियमांचे उल्लंघन सहन केले जाणार नाही, असा स्पष्ट संदेशही आरबीआयने दिला आहे, अशी माहिती पीडीआयने दिली.
Discover more from Rayat Samachar
Subscribe to get the latest posts sent to your email.
