अहमदनगर | प्रतिनिधी |२५ नोव्हेंबर २०२४
Art कला संचालनालय मुंबई महाराष्ट्र राज्य व जिल्हा परिषद शिक्षण विभाग ( (माध्यमिक) यांच्या वतीने आयोजित करण्यात आलेल्या बाल चित्रकला स्पर्धेत अहिल्यानगर येथील सेंट विवेकानंद इंग्लिश स्कूलची विद्यार्थिनी अपूर्वा सागर नांदुरकर जिल्ह्यात प्रथम आली आहे. नगर येथे अशोक भाऊ फिरोदिया विद्यालयात नुकतेच बाल चित्रकला स्पर्धेचे बक्षीस वितरण करण्यात आले. प्रथम क्रमांकाचे बक्षीस अपूर्वाला जिल्हा शिक्षण अधिकारी अशोक कडूस यांच्या हस्ते देऊन तिचा सन्मान करण्यात आला. याप्रसंगी उपशिक्षणाधिकारी दरेकर, प्राचार्य प्रभाकर भाबड, शिक्षण विस्तार अधिकारी पवार, ढवळे, थोरात, चित्रकार अशोक डोळसे आदींसह मान्यवर व्यक्ती उपस्थित होते. यावेळी बोलताना शिक्षण अधिकारी श्री. कडूस म्हणाले की पालक व कलाशिक्षक यांनी विद्यार्थ्यांच्या कलागुणांना वाव देण्यासाठी सातत्याने प्रयत्न करावे. कलेची आवड असलेल्या मुलांना त्यामुळे प्रोत्साहन मिळते. भविष्यात अहिल्यानगर मधील चांगले कलाकार, चित्रकार घडलेले पहावयास मिळतील. अपूर्वा नांदुरकर हिला यापूर्वी राष्ट्रीय, राज्यस्तरीय स्पर्धेत घवघवीत यश मिळालेले असून अनेक पारितोषिके मिळवलेली आहेत. तिला या स्पर्धेसाठी अशोक डोळसे, सुजाता पायमोडे, सचिन घोडेसर, अनामिका म्हस्के, गुंजाळ सर आदींचे मार्गदर्शन लाभले आहे. तिच्या या यशाबद्दल सर्वत्र अभिनंदन होत आहे. प्रसिद्धी करीता – विजय मते, अहील्यानगर फोटो मजकूर – अहिल्यानगर येथे बालचित्रकला स्पर्धेचे बक्षीस वितरण समारंभात अपूर्वा नांदुरकर हिला शिक्षणाधिकारी अशोक कडूस यांच्या हस्ते प्रशस्तीपत्र, सन्मानचिन्ह देऊन गौरवण्यात आले. यावेळी उपशिक्षणाधिकारी श्री.दरेकर प्राचार्य प्रभाकर भाबड, श्री. ढवळे, पवार,थोरात,अशोक डोळसे आदी (छाया- विजय मते)