मुंबई | १५.७ | रयत समाचार
(AI Complaint Portal) महाराष्ट्र अन्न व औषध प्रशासनाने (FDA) नागरिकांसाठी कृत्रिम बुद्धिमत्ता (AI) आधारित तक्रार नोंदणी पोर्टल सुरू केले असून, भेसळयुक्त अन्नपदार्थ, बनावट किंवा निकृष्ट दर्जाची औषधे तसेच सार्वजनिक आरोग्याशी संबंधित तक्रारी आता केवळ बोलून नोंदवता येणार आहेत. या उपक्रमामुळे शासन अधिक सुलभ, जलद आणि उत्तरदायी बनविण्याच्या दिशेने महत्त्वाचे पाऊल उचलले गेल्याची माहिती अन्न व औषध प्रशासनाचे आयुक्त तुकाराम मुंढे यांनी दिली.
(AI Complaint Portal) मुंढे म्हणाले की, सुशासन म्हणजे केवळ तंत्रज्ञानाचा वापर नव्हे, तर नागरिकांना प्रभावी आणि सुलभ सेवा देणे होय. या AI-सक्षम पोर्टलमुळे नागरिक मराठी, हिंदी किंवा इंग्रजी भाषेत आपली तक्रार बोलून नोंदवू शकतात.
AI तंत्रज्ञानाच्या मदतीने नागरिकांची तक्रार स्पष्ट आणि सुसंगत स्वरूपात आपोआप तयार केली जाते. त्यानंतर ती संबंधित अधिकाऱ्यांकडे पाठवली जाते.
(AI Complaint Portal) तक्रारीच्या निवारणात विलंब झाल्यास स्वयंचलित एस्कलेशनची सुविधाही उपलब्ध असून, संपूर्ण प्रक्रियेचा ऑनलाइन मागोवा घेता येतो. त्यामुळे तक्रार प्रक्रियेत पारदर्शकता आणि उत्तरदायित्व अधिक बळकट होणार आहे.
अन्न सुरक्षा आणि औषध सुरक्षा या दोन्ही प्रकारच्या तक्रारींसाठी एकच व्यासपीठ उपलब्ध करून देण्यात आले आहे. भेसळयुक्त अन्न किंवा बनावट औषधांविरोधात नागरिकांनी पुढाकार घेतल्यास सार्वजनिक आरोग्य संरक्षण अधिक प्रभावी होईल, असा विश्वासही मुंढे यांनी व्यक्त केला.
नागरिकांनी https://complaints.mahafda.in� या संकेतस्थळाला भेट देऊन काही क्षणांत तक्रार नोंदवावी आणि तिची स्थिती ऑनलाइन ट्रॅक करावी, असे आवाहन अन्न व औषध प्रशासनाने केले आहे.
📌 महत्त्वाचे मुद्दे : AI आधारित नागरिक तक्रार पोर्टल सुरू. मराठी, हिंदी व इंग्रजी भाषेत तक्रार नोंदविण्याची सुविधा. अन्न व औषध सुरक्षा तक्रारींसाठी एकच व्यासपीठ. AI तक्रार आपोआप तयार करून संबंधित अधिकाऱ्यांकडे पाठवणार. ऑनलाइन तक्रार ट्रॅकिंग आणि स्वयंचलित एस्कलेशनची सुविधा
“अन्न असो किंवा औषध… आता फक्त बोला!
📢 महाराष्ट्र FDA च्या AI पोर्टलवर मराठी, हिंदी किंवा इंग्रजीत तक्रार नोंदवा आणि तिची स्थिती ऑनलाइन ट्रॅक करा.”
Discover more from Rayat Samachar
Subscribe to get the latest posts sent to your email.
