(Social) समता फाउंडेशन, एच. व्ही. देसाई नेत्र रुग्णालय, पुणे तसेच सीएसआरडी समाजकार्य महाविद्यालय आणि ग्रामपंचायत आगडगाव यांच्या संयुक्त विद्यमाने आयोजित नेत्र तपासणी व मोतीबिंदू शस्त्रक्रिया शिबिरास ग्रामस्थांचा उत्स्फूर्त प्रतिसाद लाभला. प्रा.डॉ. सुरेश मुगुटमल व सीएसआरडी महाविद्यालयाच्या विद्यार्थ्यांच्या सक्रिय सहभागामुळे शिबिराचे नियोजन व अंमलबजावणी प्रभावीपणे पार पडली.
सीएसआरडी विद्यार्थी
(Social) शिबिरात एकूण ६४ ग्रामस्थांची नेत्र तपासणी करण्यात आली, त्यातील १८ रुग्णांची शस्त्रक्रिया पुणे येथे मोफत करण्यात येणार आहे. संबंधित रुग्णांसाठी ने-आण, राहण्याची व जेवणाची सोय आयोजकांकडून विनामूल्य करण्यात येणार आहे.
(Social) तज्ज्ञ डॉक्टरांनी रुग्णांना आवश्यक मार्गदर्शन केले. शस्त्रक्रियेनंतर लागणारी औषधे व काळे चष्मेही मोफत देण्यात येणार असल्याची माहिती आयोजकांनी दिली.
कार्यक्रमास सरपंच परमेश्वर पालवे, समता फाउंडेशनचे समन्वयक अभिषेक शिंदे तसेच डॉक्टरांची उपस्थिती होती. शिबिराचे आयोजन सीएसआरडी समाजकार्य महाविद्यालयाचे विद्यार्थी सागर टिके व रोहन सोनवणे यांनी केले.
ग्रामीण भागातील नागरिकांना दर्जेदार नेत्रसेवा उपलब्ध करून देण्याच्या दृष्टीने हा उपक्रम उपयुक्त ठरत असल्याचे मत व्यक्त करण्यात आले.
