Ipl | मुंबईचा विजयी चौकार; गुणतक्त्यामध्ये थेट तिसर्‍या स्थान‍वर झेप

रोहितचे पाठोपाठ दुसरे अर्धशतक

उपसंपादक | दिपक शिरसाठ

मुंबई | २४ एप्रिल | गुरुदत्त वाकदेकर

(Ipl) ट्रेंट बोल्टच्या घातक गोलंदाजी आणि रोहित शर्माच्या शानदार अर्धशतकाच्या जोरावर मुंबई इंडियन्सने सनरायझर्स हैदराबादचा ८ विकेट्सने पराभव केला. हैदराबादने मुंबईला १४४ धावांचे लक्ष्य दिले होते, जे मुंबईने १६ षटकांत पूर्ण केले. या विजयासह, मुंबई गुणतक्त्यामध्ये सहाव्या स्थानावरून तिसऱ्या स्थानावर पोहोचली आहे.

(Ipl) लक्ष्याचा पाठलाग करताना मुंबई इंडियन्सची सुरुवात खूपच खराब झाली. १३ धावांवर असताना, रायन रिकेलटन ११ धावांची खेळी खेळून बाद झाला. विल जॅक्स देखील मोठी खेळी खेळू शकला नाही आणि २२ धावा करून बाद झाला. तथापि, त्याने रोहित शर्मासोबत ४६ चेंडूत ६४ धावांची भागीदारी केली. यानंतर रोहितने सूर्यकुमार यादवसोबत तिसऱ्या विकेटसाठी ३२ चेंडूत ५२ धावांची भागीदारी केली. यादरम्यान रोहित शर्माने आपले अर्धशतक पूर्ण केले.

(Ipl) मुंबई इंडियन्सचा माजी कर्णधार रोहित शर्माने आयपीएलमध्ये आपला फॉर्म परत मिळवला आहे. चेन्नई सुपर किंग्जविरुद्ध अर्धशतकी खेळी केल्यानंतर त्याने हैदराबादविरुद्धही अर्धशतक पूर्ण केले. ९ वर्षांनंतर, रोहित शर्माने आयपीएलमध्ये सलग दोन अर्धशतके ठोकली. रोहित शर्माने शेवटचा असा पराक्रम २०१६ मध्ये केला होता. रोहित शर्मा ४६ चेंडूत ७० धावा काढून बाद झाला.
तत्पूर्वी, मुंबई इंडियन्सविरुद्ध नाणेफेक गमावल्यानंतर, सनरायझर्स हैदराबाद त्यांच्या घरच्या मैदानावर हरवल्यासारखे दिसत होते. दक्षिण आफ्रिकेचा यष्टीरक्षक-फलंदाज हेनरिक क्लासेनने संघासाठी ७१ धावांची शानदार खेळी केली. ४.१ षटकांत १३ धावांत चार विकेट गमावल्यानंतर, हेनरिक क्लासेन सनरायझर्सच्या मदतीला धावला आणि त्याने उपकर्णधार अभिनव मनोहर (४३) सोबत सहाव्या विकेटसाठी ९९ धावांची महत्त्वपूर्ण भागीदारी केली आणि हैदराबादला १४३ धावांपर्यंत पोहोचवले.
पॉवरप्लेमध्येच, ट्रॅव्हिस हेड (०), इशान किशन (१), अभिषेक शर्मा (८) आणि नितीश कुमार रेड्डी (२) हे फक्त १३ धावांवर बाद झाले. १२ वर्षांत पहिल्यांदाच हैदराबादने २० धावांच्या आत चार विकेट गमावल्या आहेत. यापूर्वी २०१३ मध्ये त्यांनी दोनदा २० धावांच्या आत चार विकेट गमावल्या होत्या. ट्रेंट बोल्टने चार तर दीपक चहरने दोन विकेट घेतल्या.

 

Share This Article
Leave a comment

Leave a Reply

Your email address will not be published. Required fields are marked *