Crime | जमिनीच्या कायदेशीर रस्त्यावरून वाद; महिलांवर हल्ला, कायदेशीर हक्कांवर अडथळा निर्माण

नगर तालुका | १५ जुलै | प्रतिनिधी

(Crime) तालुक्यातील पिंपळगाव माळवी येथे बिडवे कुटुंबाच्या शेतीच्या कायदेशीर रस्त्यावर बळजबरीने अडथळा निर्माण करून महिलांवर मारहाण केल्याची गंभीर घटना घडली आहे. या प्रकरणी एमआयडीसी पोलीस ठाण्यात गुन्हा दाखल झाला आहे.

(Crime) बिडवे कुटुंब गेल्या अनेक वर्षांपासून या रस्त्याचा वापर करत असून त्यासंबंधीचे कायदेशीर दस्तऐवज, ७/१२ उतारे व महसूल नकाशे त्यांच्याकडे उपलब्ध आहेत. मात्र काही शेजाऱ्यांनी या रस्त्यावर अडथळा निर्माण करत महिलांना शिवीगाळ, धक्काबुक्की केली व जिवे मारण्याच्या धमक्याही दिल्या.

(Crime) या झटापटीत कौस्तुभ बिडवे यांच्या आई व पत्नी यांच्यावर हल्ला झाला, तर दोन वर्षांच्या मुलालाही धोक्याची परिस्थिती निर्माण झाली. कौस्तुभ हे सध्या केंद्रीय सुरक्षा दलात कार्यरत असून त्यांच्या अनुपस्थितीत हा हल्ला झाला.

कौस्तुभ बिडवे यांनी सांगितले की, “हा वाद केवळ रस्त्याच्या कायदेशीर हक्कावर असून, त्याला राजकीय व सामाजिक रंग देऊन आम्हाला बदनाम करण्याचा प्रयत्न सुरू आहे. काही पोर्टल्सवर एकतर्फी बातम्या पसरवल्या जात आहेत.”

बिडवे कुटुंबाने पोलिसांकडे निष्पक्ष चौकशी, महिलांवरील हल्ल्याची वैद्यकीय नोंद व कायदेशीर कारवाईची मागणी केली आहे. या प्रकरणी अधिक माहितीसाठी 7620059159 या क्रमांकावर संपर्क साधावा.