मुंबई | २ एप्रिल | गुरुदत्त वाकदेकर
(Ipl) पंजाब किंग्जने लखनौ सुपर जायंट्सचा आठ विकेट्सने पराभव करून हंगामातील त्यांचा दुसरा विजय नोंदवला. मंगळवारी लखनौच्या एकाना स्टेडियमवर खेळल्या गेलेल्या या सामन्यात, नाणेफेक गमावून प्रथम फलंदाजी केल्यानंतर, यजमान संघाने २० षटकांत सात गडी गमावून १७१ धावा केल्या. प्रत्युत्तरात, पंजाबने १६.२ षटकांत दोन गडी गमावून १७७ धावा केल्या आणि सामना जिंकला. हंगामाच्या सुरुवातीला पंजाबने दोन सामने जिंकण्याची ही चौथी वेळ आहे. यापूर्वी, संघाने २०१४, २०१७, २०२३ मध्ये पहिले दोन सामने जिंकले होते. सलग दोन विजयांसह, पंजाब चार गुणांसह गुणतक्त्यामध्ये दुसऱ्या स्थानावर पोहोचला.
(Ipl) लक्ष्याचा पाठलाग करण्यासाठी उतरलेल्या पंजाबला पहिला धक्का २६ धावांवर बसला. दिग्वेश राठीने प्रियांश आर्यला शार्दुल ठाकूरवी झेलबाद केले. त्याला फक्त आठ धावा करता आल्या. यानंतर, सलामीवीर प्रभसिमरन सिंग आणि श्रेयस अय्यर यांनी संघाची सूत्रे हाती घेतली. दोघांमध्ये दुसऱ्या विकेटसाठी ४४ चेंडूत ८४ धावांची भागीदारी झाली.
(Ipl) यादरम्यान दिग्वेश राठीने प्रभसिमरनला रवी बिश्नोईकरवी झेलबाद केले. त्याने त्याच्या आयपीएल कारकिर्दीतील चौथे अर्धशतक फक्त २३ चेंडूत पूर्ण केले. तो ४४ चेंडूत ६९ धावा करून बाद झाला. यानंतर, कर्णधार श्रेयसला नेहा वधेराची साथ मिळाली. दोघांनीही ३७ चेंडूत ६७ धावांची नाबाद भागीदारी केली आणि संघाला विजयाकडे नेले. अय्यरने सलग दुसऱ्या सामन्यात अर्धशतक झळकावले तर नेहलने ४३ धावा केल्या.
त्याआधी, अर्शदीप सिंगच्या घातक गोलंदाजीमुळे पंजाबने लखनौला १७१ धावांवर रोखले. लखनौकडून निकोलस पूरनने सर्वाधिक ४४ धावा केल्या. त्याच्याशिवाय आयुष बदोनीने ४१, एडेन मार्करामने २८, अब्दुल समदने २७ आणि डेव्हिड मिलरने १९ धावा केल्या. त्याच वेळी, मिचेल मार्श आणि आवेश खान यांना खातेही उघडता आले नाही. लखनौकडून अर्शदीपने तीन तर लॉकी फर्ग्युसन, ग्लेन मॅक्सवेल, मार्को जॅन्सन आणि युजवेंद्र चहल यांनी प्रत्येकी एक विकेट घेतली.
About The Author
