अहमदनगर | रयत समाचार
(India news) महाराष्ट्र ॲण्ड गोवा ॲडव्होकेट्स बार कौन्सिलच्या चेअरमनपदी नुकतीच ॲड. अमोल सावंत यांची निवड झाल्याबद्दल सत्कार सोहळा पार पडला. यावेळी मोहटादेवी देवस्थानचे विश्वस्त ॲड. विक्रम वाडेकर यांच्या हस्ते, तसेच ॲड. पंकज खराडे, ॲड. सागर वाव्हळ, ॲड. प्रसाद गर्जे आणि ॲड. प्रल्हाद खंडागळे यांच्या उपस्थितीत ॲड. सावंत यांना पुष्पगुच्छ व शाल-श्रीफळ देऊन सन्मानित करण्यात आले.
(India news) यावेळी मान्यवरांनी सांगितले की, ॲड. अमोल सावंत यांच्या नेतृत्वाखाली बार कौन्सिलची कामकाज पद्धती अधिक प्रभावी होईल. वकील बांधवांच्या न्यायासाठीच्या लढ्यात त्यांचे योगदान लक्षणीय ठरेल.
(India news) सत्काराला प्रतिसाद देताना ॲड. सावंत म्हणाले, ही जबाबदारी माझ्यासाठी सन्मानासोबतच मोठे जनकर्तव्य आहे. महाराष्ट्र व गोव्यातील वकिलांच्या समस्या सोडविण्यासाठी आणि न्यायालयीन व्यवस्थेतील सकारात्मक बदलांसाठी मी सदैव प्रयत्नशील राहील.
मान्यवरांनी यावेळी वकिलांचे हित जपणारे ठोस निर्णय घेण्याची व “Advocates Protection Act” लागू करण्यासाठी तातडीने प्रयत्न करण्याची मागणी मांडली. यावर सकारात्मक प्रतिसाद देताना ॲड. सावंत यांनी, ही मागणी न्याय्य असून, त्याबाबत लवकरच पुढील कार्यवाही करण्यात येईल,असे स्पष्ट केले.
त्यांनी पुढे सांगितले, बार कौन्सिलच्या माध्यमातून वकिलांच्या सुरक्षेसाठी तसेच व्यावसायिक सन्मान व न्याय मिळवून देण्यासाठी मी पूर्ण ताकदीने प्रयत्न करणार. वकिलांच्या प्रश्नांना प्राधान्य देऊन त्यांचे निराकरण करण्यासाठी ठोस पावले उचलली जातील.
ही वाचा : Social | सामाजिक संघर्ष कमी करण्याचे ‘भिवंडी मॉडेल’; ‘खोपडे पॅटर्न’ : एक भारतीय प्रयोग, जागतिक मान्यता
Discover more from Rayat Samachar
Subscribe to get the latest posts sent to your email.
