अहमदनगर | २८ नोव्हेंबर | भैरवनाथ वाकळे
Ahmednagar News येथील मानव अधिकार अभियान, सी.एस.आर.डी. समाजकार्य व संशोधन संस्था, सहाय्यक आयुक्त समाजकल्याण व समविचारी संस्था यांच्या संयुक्त विद्यमाने मंगळवारी, ता.२६ नोव्हेंबर रोजी संविधान जागर महोत्सवाचे आयोजन करण्यात आले. यंदाचे हे सातवे वर्ष. या महोत्सवाचे स्वागताध्यक्ष अशोक सब्बन यांनी पुढाकार घेऊन सर्व कार्यक्रमाचे यशस्वी आयोजन केले.
संविधान अभ्यासक सुभाष वारे, अशोक सब्बन, आर्कि.अर्शद शेख व समाजकल्याण अधिकारी प्रविण कोरगंटीवार यांच्या हस्ते शिवरायांच्या पुतळ्यास पुष्पहार अर्पण करण्यात आला. महापुरुषांच्या जयजयकारासह “संविधान चिरायू होवो” च्या घोषणा देण्यात आल्या. सकाळी ९:३० वाजता छत्रपती शिवाजी महाराज पुतळा येथून मान्यवरांच्या हस्ते हिरवा झेंडा दाखवून रॅलीची सुरूवात करण्यात झाली. Ahmednagar News
यावेळी समाजकार्याचे प्रशिक्षण घेत असलेल्या एमएसडब्ल्यू प्रथम व द्वितीय वर्षांच्या विद्यार्थ्यांनी ‘संविधान सर्वांसाठी’ या संकल्पनेवर आधारीत विविध सामाजिक व चळवळीची गीते तसेच घोषणा यांच्या माध्यमातून संविधानाबद्दल जागर केला. यामधे अश्विनी भोसले, शुभम गायकवाड, जितेश कांबळे, धिरज वरघट, मनोज सावडेकर, आयुष शेटे, अभिषेक ब्राम्हणे, रोहन काळे, गौरव गाडेकर, विशाल शिरसाठ आदींनी प्रबोधन गीते म्हटली. Ahmednagar News त्यांना ‘माणुसकीची शाळा’चे शिवाजी नायकवाडी आणि बीजेएमसी प्रथम वर्षाचे भैरवनाथ वाकळे यांनी संगीत वाद्यासाठी साथसंगत दिली.
हे हि वाचा : History: द इंडियन्स : दक्षिण आशियाच्या इतिहास अभ्यासकांसाठी उपयोगी संदर्भग्रंथ – प्रा.डॉ.श्रध्दा कुंभोजकर
रॅलीचे नेतृत्व संध्या मेढे, डॉ. प्रशांत शिंदे, ॲड.संतोष गायकवाड, युनूसभाई तांबटकर, असिफखान दूलेखान, सोनाली देवढे-शिंदे, सॅम्युअल वाघमारे आदींनी केले. डॉ. कमर सुरूर, आबिदखान दूलेखान, राजेंद्र कर्डीले, रवि सातपुते, संदेश सूर्यवंशी, पंकज गुंदेचा, श्रीराम येंडे, प्रजापती, अतुल देठे, तुषार सोनवणे, संतोष गायकवाड, दिपक शिरसाठ, दिपक अमृत, इमान्यूअल, जोस, एस्थर, मरयम सय्यद, रसिका चावला, विजया काळे, प्रशांत पाटोळे, नवनाथ मगर, अंतरिक्ष पुरी, मंगेश आहेर, शाहीर कान्हू सुंबे आदींसह अनेक संविधानप्रेमी लोकशाहीवादी नेते, कार्यकर्ते व विद्यार्थी सहभागी झाले होते.
माळीवाडा येथील महात्मा जोतीबा फुले यांना विद्यार्थींनींच्या व मान्यवरांच्या हस्ते पुष्पहार अर्पण करून रस्त्याने “संविधान हमारे साथ हैं, तो डरने की क्या बात हैं” या घोषणा देत रॅली विश्वरत्न डॉ.बाबासाहेब आंबेडकर पुतळ्याजवळ आली. प्रा.डॉ.सुरेश पठारे यांच्या हस्ते विश्वरत्न आंबेडकर पुतळ्यास पुष्पहार अर्पण करण्यात आला. येथेही एमएसडब्ल्यूच्या समाजकार्य विद्यार्थ्यांनी प्रबोधनाची संविधान जागर गीते गायली. नागरिकांनी यात उत्स्फूर्त सहभाग नोंदविला.
येथून पुढे संजय कांबळे यांनी आणलेला डॉ.बाबासाहेब आंबेडकर, महात्मा फुले व छत्रपती शिवाजी महाराज पुतळे असलेला ‘प्रबोधन रथ’ सहभागी झाला. पुढे रथ व मागे घोषणा देत, प्रबोधन गाणे गाणारी रॅली शहरातील व महामार्गावरील लोकांचे लक्ष वेधून घेत होती. रॅलीचा समारोप सीएसआरडी येथे प्रबोधन गीते गात झाला. संविधान जागर रॅली यशस्वी करण्यासाठी सीएसआरडीचे सर्व शिक्षक, शिक्षकेतर कर्मचारी यांचे सक्रीय सहकार्य लाभले.
हे ही पहा : संविधान जागर रॅली Live पहाण्यासाठी येथे क्लिक करावे
About The Author
Discover more from Rayat Samachar
Subscribe to get the latest posts sent to your email.
