Ipl | राजस्थानच्या घरात आरसीबीचा हल्ला; साल्ट आणि विराटची विजयी गर्जना

मुंबई | १३ एप्रिल | गुरुदत्त वाकदेकर

(Ipl) आयपीएल २०२५ च्या २८ व्या सामन्यात, रॉयल चॅलेंजर्स बंगळुरूने राजस्थान रॉयल्सला त्यांच्याच घरच्या मैदानावर हरवले. प्रथम फलंदाजी करताना राजस्थान रॉयल्सने २० षटकांत ४ गडी गमावून १७३ धावा केल्या. लक्ष्याचा पाठलाग करताना आरसीबीने १७.३ षटकांत एका विकेटच्या मोबदल्यात १७५ धावा केल्या आणि सामना जिंकला.
(Ipl) विराट कोहली आणि फिल साल्ट यांनी अर्धशतके झळकावली. घराबाहेर आरसीबीचा हा सलग चौथा विजय आहे. आरसीबीने त्यांच्या घरच्या मैदानावर चेन्नई, राजस्थान, कोलकाता आणि मुंबईला हरवले आहे.
(Ipl) नाणेफेक जिंकल्यानंतर रजत पाटीदारने राजस्थान रॉयल्सला प्रथम फलंदाजीसाठी आमंत्रित केले. राजस्थानची पहिली विकेट ४९ धावांवर पडली. १९ चेंडूत १५ धावा करून सॅमसन बाद झाला. यानंतर, रियान पराग २२ चेंडूत ३० धावा काढून बाद झाला. तथापि, एका बाजूला यशस्वी जयस्वालने आपले अर्धशतक पूर्ण केले. ४७ चेंडूत ७५ धावांची खेळी खेळल्यानंतर जयस्वाल बाद झाला. त्याच्या खेळीदरम्यान त्याने १० चौकार आणि दोन षटकार मारले. शेवटच्या षटकांमध्ये, ध्रुव जुरेलने २३ चेंडूत नाबाद ३५ धावा करत संघाला १५० च्या पुढे नेले. आरसीबीकडून चार वेगवेगळ्या गोलंदाजांनी प्रत्येकी एक बळी घेतला.
लक्ष्याचा पाठलाग करताना, आरसीबीने जलद सुरुवात केली. विराट कोहली आणि फिल सॉल्ट यांनी पहिल्या विकेटसाठी ८.४ षटकांत ९२ धावांची भागीदारी केली. यादरम्यान, फिल सॉल्ट ३३ चेंडूत ६५ धावा करून बाद झाला. दुसऱ्या बाजूला विराट कोहलीनेही विक्रमी अर्धशतक झळकावले. राजस्थान रॉयल्सने विराट आणि फिल सॉल्टचे झेल सोडले.
विराट कोहलीने त्याच्या टी-२० कारकिर्दीतील १०० वे अर्धशतक ठोकले. कोहलीने हे अर्धशतक ३९ चेंडूत पूर्ण केले. या हंगामात विराट कोहलीचे हे तिसरे अर्धशतक होते. विराट कोहलीने ४५ चेंडूत ६२ धावा काढत नाबाद राहिला. त्याच वेळी, देवदत्त पडिक्कलने २४ चेंडूत २८ धावांची नाबाद खेळी केली. या विजयासह, आरसीबी संघ तिसऱ्या स्थानावर पोहोचला आहे.